Өзін-өзі тану пәнінен 5 сыныпқа арналған сабақ жоспары тақырыбы:»Салауаттылық менің қалауым»

Сабақ мақсаты: оқушылардың «денсаулық» ұғымының құндылығы туралы түсініктерін кеңейте отырып салауатты өмір салты жайлы мағлұмат беру

Міндеттері

• Салаутты өмір салты туралы білімдерін бекіту;

• Денсаулыққа зиянды жағымсыз әрекеттерге қарсылық сезімдерін ояту

Денсаулықты бағалауға тәрбиелеу.

Сабақ барысы:

Ұйымдастыру кезеңі. Оқушылармен амандасып, «Өзін- өзі тану» сабағының ережесін «5-Т» дауыстап айтамыз

Тәртіп

Талап

Тыныштық

Тазалық

Татулық

Тыныштық сәті.

Орманға саяхат.

Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігін сезінініз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Орманға ендей түсіңіз, қараңызшы, ағаштар биіктей әрі қалыңдай түсті. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз.

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, Мен осындамын деп, күлімсіреңіз!

Үй тапсырмасын тексеру.

Дәйексөз

Дені сау адам –табиғаттың ең қымбат жемісі

Карнейл

Әңгімелеу Мұғалім сыйы.

«Денсаулық» атты видеоролик

Денсаулықты сақтау үшін не істеу керек?

Шығармашылық жұмыс,

Берілген өлең жолдарын пайдаланып өлең құрастыру.
Таза киім киемін, …….. ……. киемін,
Тазалықты сүйемін. …………. сүйемін.
Денем таза болса да, ………… таза болса да,
Түсем жиі моншаға. Түсем жиі ………….. .

Мақал-мәтелдерді жалғастыр.
1. ………. ……….. — ……………. , Бірінші байлық-денсаулық,

Екінші байлық-ақ жаулық,
Үшінші байлық- он саулық.
2. Ауырып ем іздегенше,
……. ……… …….. . Ауырмайтын жол ізде.
3.Денсаулықтың қадірін ……… .. …… . ауырғанда білерсің.
4.Денің сау болса, ……… ………. . жарлымын деме.
5.Көзің ауырса қолыңды тый,
…….. ………… ……. …… . Ішің ауырса аузыңды тый.
5. «Шынықсаң шымыр боласың.»
Жағдаятты шешу 
Бірде жаттықтырушы ағай спорт секциясына келіп жүрген балалардан сұрады:-Спортпен не үшін айналысып жүрсіңдер?
Сонда Марат бірден: -Мен спорттан өз атағымды шығару үшін ,тек сол үшін келіп жүрмін,-деді.-Қалай ойлайсыңдар? Мараттың жаубы дұрыс па?

Топпен ән айту

Чемпиондар әні

Байрағы еңселі елімнің

Кең байтақ айбынды жерімнің.

Тұлпары біз болдық бәйгеде,

Ақтап шыққан, ел сенімін.

Тізгіндеп алтын мен күмісін

Сыйлаған еліне жеңісін

Әлемде топ жарып жарысқан,

Қазақстан, Қазақстан.

Желбіреп байрағы әлемде

Әнұран айтылды әр елде.

Ұл-қызы әлемге өз елін танытқан, танытқан Қазақстан.

Вот последний рывок и победа.

Слышны крики с трибун Казахстан.

Посмотри оправдали надежду,

Все кто нам верил и веру вселял

Закаляется воля сражения,

Олимпийцы храбры как в бою.

Будут слезы от счастья победы.

Верим в себя, верим в страну.

Разивается флаг на ветру

Пробуждает он гордость мою.

Будет золото нашим,

Мы верим Верим в ребят, они победят.

Желбіреп байрағы әлемде

Әнұран айтылды әр елде.

Ұл-қызы әлемге өз елін танытқан, танытқан Қазақстан.

Үйге тапсырма

«Өмір туралы аңыз»

Тыныштық сәті

• Ауаны терең жұтып, еркін тыныс алыңдар. Өздеріңнің тыныс алуларыңды  бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер.